Время работы:

Пн-Пт 08:30 - 17:00 

+375 (17) 290-76-77

+375 (44) 728-10-78

lightmagicby

info@lightmagic.by

Заказать звонок

Шэдэўр у поўным аб'ёме

13 Апреля 2018

Яны не замахваюцца на тое, каб замяніць іконы. Але спрыяюць таму, каб яны, старажытныя, не зніклі калісьці пад напорам часу, вандалізму ці па іншых прычынах. Беларускія майстры-галаграфісты, фізікі і адначасова мастакі, якія пры дапамозе лазера і аптычнага шкла робяць свае цуды, ператвараючы плоскія прадметы ў фармат 3D, не так даўно ўзяліся за тэхналагічную апрацоўку праваслаўных святынь. Увасабленне абразоў, крыжоў, панагій у галаграфіі прайшло паспяхова. І сёння культавыя прадметы ў высокатэхналагічнай апрацоўцы можна пабачыць на выставе «Асветніцтва. Пазнанне. Прагрэс», якая працуе ў Нацыянальнай бібліятэцы.

Палову экспазіцыі займаюць менавіта рэлігійныя хрысціянскія рэліквіі — каля 40 прадметаў, сярод іх самыя пазнавальныя святыні: Крыж Еўфрасінні Полацкай, абразы Казанскай і Жыровіцкай Божай Маці, іконы Серафіма Сароўскага, Святога Лукі, «Тайная вячэра». Нямногія з гэтых святынь могуць вось так проста трапіць на выставу ў іншы горад. Большасць з іх, як, напрыклад, Жыровіцкая ікона Божай Маці, ніколі не пакідалі і не пакінуць іканастас манастыра. Галаграфісты ж зрабілі самыя аддаленыя і закрытыя святыні даступнымі для назірання. Больш таго, прадставілі прадметы не з аднаго прапанаванага боку (як гэта звычайна бывае ў храмах). Яны прапанавалі паглядзець, як выглядае той ці іншы абраз адначасова ў трох ракурсах.

305944b0c0fa08cfcd9aa98d7ae0260c.jpg

— Кожнаму дому, кожнай вёсцы — Эрмітаж! Гэта наш дэвіз. Мы хочам кожнаму чалавеку падарыць магчымасць убачыць сусветныя і нацыянальныя шэдэўры, не сходзячы з месца, — расказвае акадэмік Міжнароднай інжынернай акадэміі, спецыяліст у галіне галаграфіі Леанід Танін. — Не ў кожнага і не заўсёды ёсць магчымасць паглядзець, чым багаты Алмазны фонд ці Эрмітаж. А пры дапамозе галаграфіі — глядзіце на ўнікальнае! Галаграфічны твор таўшчынёю 10 мікрон перадае глыбіні ў сотні метраў. Кожную рысу, кожны выгіб, кожную дэталь. Мы знаходзімся на самых перадавых пазіцыях у свеце па пытаннях галаграфіі. І не толькі прыкладной (аздабленне дакументаў і каштоўных папер, акцызных марак і іншага), але і мастацкай. Мы даўно галаграфічна апрацоўваем арт-аб'екты — аўтарскія карціны выдатных мастакоў, прадметы народнага побыту беларусаў, этнічныя рэчы. Цяпер і культавыя прадметы. Каб працаваць з імі, патрэбныя не толькі веданне дакладных фізічных законаў, але і вера.

Шлях іконы да яе галагра­фічнай копіі не вялікі і не малы. Уладальнікі абраза — святары здымаюць рэліквію з іканастаса свайго храма і прывозяць у Мінск. Перадача каштоўнасці з рук у рукі — і рэч пакідаюць на некалькі дзён прасохнуць, адаптавацца да новых умоў. Пасля вытрымкі прадмет пераносяць у спецыяльны бункер — усе работы праводзяцца пад зямлёй, у бамбасховішчы першай катэгорыі. Дзея адбываецца на спецыяльным гранітным стале. Ён вагой з аўтобус і стаіць не проста на падмурку, а на паветранай падушцы з гумавых шын. Так дасягаецца абсалютная статычнасць аб'екта (для вырабу галаграмы патрабуюцца суперцішыня і абавязкова цемра). Ноч — мена­віта ў гэтую пару ў пакой увахо­дзіць галаграфіст, і чараўніцтва пачынаецца.

— Прадмет старажытнасці мы кладзём насупраць лазернага генератара. Сёння мы выкарыстоўваем навінку — паўправадніковы замежнай вытворчасці лазер магутнасцю 2000 міліват (гэта ў разы мацней за гелій-неонавыя і газавыя, што былі раней). Перш чым мы пусцім лазерны прамень, прадмет галаграфічнай апрацоўкі накрыем спецыяльным шклом, яно пакрыта ультратонкім пластом жэлаціну. Ён патрабуе надзвычайна далікатнага стаўлення да сябе, — гаворыць Мікалай Барздоў, фізік-оптык, тэхнічны кіраўнік галаграфічнай вытворчасці. — Падключаем генератар — лазерны прамень спачатку ідзе на люстра, адлюстроўваецца, пашыраецца пры дапамозе мікрааб'ектыва, пучок святла падае на аб'ект, ідзе запіс прадмета на шкле. У час самога запісу — экспазіцыі — мы выходзім з пакоя. Бо нават подых чалавека можа сапсаваць працэс.

Майстар выходзіць з пакоя, засякае час (працягласць чакання залежыць ад прадмета, які галаграфіруецца, яго структуры і велічыні). Усё гэта пралічваюць фізікі. Пасля працэсу экспазіцыі нясуць прадмет на прамыўку і праяўку — гэтыя працэсы нагадваюць старыя тэхналогіі праяўкі фатаграфій у лабараторыях. Прамыўка, сушка, і рэч гатовая. Зрэшты, сярод прадметаў, якімі цікавяцца галаграфісты, — старажытныя кнігі. Да выставы ў Нацыянальнай бібліятэцы былі падрыхтаваныя некалькі старадрукаў — у фармаце 3D, прадстаўлены кнігі Куцеінскай друкарні, тамы ад Францыска Скарыны.

— Спачатку мы акрэслілі кніжныя помнікі, якія перададзім да працы. Потым абмеркавалі ўсе ўмовы перадачы. Былі пытанні с захаванасцю — усё ж такі для старажытнай кнігі такія пературбацыі — пэўны стрэс. Але мы не пашкадавалі, цяпер бачым кожны зборнік вельмі дасканала. Навукоўцы-фізікі ўмудрыліся прадставіць том закрытым і адначасова быццам бы разгорнутым на пэўнай старонцы, паказалі тонкасці пераплёту, — выказаўся культуролаг, намеснік дырэктара Нацыянальнай бібліятэкі Алесь Суша. — Мне здаецца, галаграфія кніг — гэта выдатна, бо галаграма павялічвае папулярнасць культурнага помніка, дае магчымасць тыражаваць яго ў іншых музеях і калекцыях без рызыкі для самога старадрука. Навука папулярызуе культуру, праводзіць выхаваўчую духоўную працу.

Погляд духавенства на галагра­фічныя варыяцыі з іконамі таксама дэмакратычны. Не так важна, праз што чалавек звернецца да Бога, якім шляхам да веры прыйдзе.

— Ікона павінна ззяць знутры, і галаграма дапамагае гэты прынцып прайграць фізічна. Царква не адвяргае сучасныя дасягненні навукі. І рэлігія, і навука — гэта сутнасць пазнання свету, — лічыць протаіерэй Фёдар Поўны, настаяцель храма-помніка Усіх Святых.

Сёння беларуская паліграфія на вядучых пазіцыях у свеце. Навука, якая фарміравалася ў 1970-я, прайшла эфектыўны шлях свайго развіцця і зараз займае перадавое месца ў сусветнай навуцы. Пацвярджэнне таму — шматлікія міжнародныя выставы, якія беларусы з поспехам ладзяць па ўсім свеце. І яшчэ. Напрыканцы лістапада бягучага года Міжнародная асацыяцыя галаграм плануе менавіта ў Мінску правесці свой форум і сабраць у нашу сталіцу на кангрэс вядучых галаграфістаў свету.

Крыніца: www.sb.by
28 Марта 2017 Выставка-семинар в «Президент-Отеле»

22 марта 2017 года ООО «Магия света» приняла участие в выставке-семинаре в крупнейшем пятизвездочном гостиничном комплексе в Минске — «Президент-Отеле».

12 Октября 2017 II Городской форум матерей

11 октября 2017 года состоялся 2-й городской форум матерей «Матери столицы: практика малых дел – весомый вклад в развитие города».

23 Марта 2017 Леонид Танин награжден орденом Креста Преподобной Евфросинии Полоцкой 28 Июня 2019 Праздник по случаю 50-летия Первомайского района прошел в Национальной библиотеке 24 Мая 2017 XXIII Международные Кирилло-Мефодиевские чтения

22 мая в библиотеке состоялось торжественное открытие XXIII Международных Кирилло-Мефодиевских чтений, посвященных 500-летию белорусского и восточнославянского книгопечатания. В этом году тема чтений – «Религия и письменность как факторы формирования славянской культуры».

9 Февраля 2017 Во Франции кандидат в президенты вышел к избирателям в виде голограммы

65-летний кандидат от коммунистов Жан-Люк Меланшон делает ставку на современные технологии, пытаясь обойти крайне правого кандидата Марин Ле Пен.

4 Июля 2017 Благодарность от Христианского образовательного центра

Беларуская церковь выражает благодарность лично директору и всем сотрудникам компании.

6 Июня 2017 УН-3

Пополнение ассортимента голографических рисунков.

Все новости